உலகத் தமிழ்ப் பண்பாட்டு இயக்கத்தின்  தூணாகவும் அதன் தமிழ்நாட்டுக் குரலாகவும் விளங்கிய வா.மு. சேதுராமன் அவர்களின் இழப்பு  ஏற்படுத்திய அதிர்வு இன்னும் எம்மை விட்டு நீங்கவில்லை. உலகத் தமிழ் பண்பாட்டு இயக்கத்தின்  செயலாளர் நாயகம் ஜேர்மனி வாழ் துரை கணேசலிங்கம் விடுத்துள்ள அனுதாபச் செய்தியில் தெரிவிப்பு! 

பன்னாட்டு தமிழுறவு மன்ற நிறுவனரும் உலகின் பல நாடுகளிலும் கிளைகளைக் கொண்ட சர்வதேச அமைப்பான உலகத் தமிழ் பண்பாட்டு இயக்கத்தின் தமிழ்நாட்டின் தூணாகவும் அதன் குரலாகவும் விளங்கிய  பெருங்கவிக்கோ வா.மு.சேதுராமன்  அவர்களின் திடீர் மறைவு எமது அமைப்பின் நூற்றுக்கணக்கான  உறுப்பினர்களின் மனங்களை உறையச்  செய்துள்ளது.  தமிழ் மொழி மீதான ஆழமான பற்றும் அக்கறையும் அவரை இத்தனை ஆண்டு காலம் வாழ வைத்துள்ளது. அத்துடன்  உலகத் தமிழ் பண்பாட்டு இயக்கத்தின் பத்துக்கு மேற்பட்ட மாநாடுகளில் பங்கு பற்றி இயக்கத்தின் வளர்ச்சியிலும் அக்கறை கொண்டவராக விளங்கினார்.அத்துடன் ‘உலகக் கவிஞர்கள் அமைப்பின் முக்கிய உறுப்பினராக இணைந்து  கொண்டு பல்வேறு மொழிகளில் கவிதைகள் வடிக்கும் கவிஞர் பெருமக்களோடு உரையாடியும் உறவாடி மகிந்து பல மாநாடுகளிலும் பங்கு பற்றியவர் என்பதும் குறிப்பிடத்தக்கது. தனது கைகளுக்குள் வந்துவிட்ட  கவிதை என்னும் அழகின் வடிவத்தை செப்பனிட்டு மகிழ்ந்த  அவர்கள் கவிதை இலக்கணத்தின் உச்சத்தைத் தொட்டவர் என்றால் அது மிகையாகாது”. இவ்வாறு.  தமிழ்நாட்டின் சென்னை மாநகரில் தனது இன்னுயிரை நீத்த வண்ணம் இறுதிக் கிரியைகளுக்காக காத்திருக்கும் பெருங்கவிக்கோ வா. மு. சேதுராமன் அவர்களின் மறைவை முன்னிட்டஉலகத் தமிழ் பண்பாட்டு இயக்கத்தின்  செயலாளர் நாயகம் ஜேர்மனி வாழ் துரை கணேசலிங்கம் விடுத்துள்ள அனுதாபச் செய்தியில் தெரிவித்துள்ளார். 

பன்னாட்டு தமிழுறவு மன்ற நிறுவனர் பெருங்கவிக்கோ வா.மு.சேதுராமன்(90) உடல்நலக்குறைவால் சென்னையில் காலமானார். ராமநாதபுரம் மாவட்டம் முதுகுளத்தூர் வட்டத்தில் உள்ள ஆண்டநாயகபுரத்தில் 1935-ம் ஆண்டு பிறந்தவர் வா.மு.சேதுராமன். 1988-ம் ஆண்டு சென்னை பல்கலைக்கழகத்தில் தமிழ் இலக்கியத்தில் முனைவர் பட்டம் பெற்றார்.

உலகத் தமிழ்ப் பண்பாட்டு இயக்கத்தின்  தூணாகவும் அதன் தமிழ்நாட்டுக் குரலாகவும் மேற்படி இயக்கத்தின் பல மாநாடுகள் காத்திரமாகவும் பண்பாட்டுக் கோலங்கள் கொண்டவையாகவும் இடம்பெற தனது அனுபவத்தையும் ஆற்றலையும் உலகத் தமிழ் பண்பாட்டு இயக்கத்திற்காக பயன்படுத்தியவர் என்பது குறிப்பிடத்தக்கது.

உலகத் தமிழ் பண்பாட்டு இயக்கத்தின்  செயலாளர் நாயகம் ஜேர்மனி வாழ் துரை கணேசலிங்கம் விடுத்துள்ள அனுதாபச் செய்தியில் மேலும் தெரிவிக்கப்பெற்றுள்ளதாவது:-

“சென்னையில் மக்கள் மற்றும் மக்கள் பிரதிநிதிகள் அத்துடன் அரசியல் தலைவர் ஆகியோர் அஞ்சலி செலுத்தும் முகமாக சென்னையில் உள்ள  இல்லத்தில் வைக்கப்பட்டுள்ளது. அவரது இழப்பு கலைஞர் கருணாநிதி அவர்களின் குடும்பத்தினரையே அதிகம் வாட்டியுள்ளது என்பது தமிழ்நாட்டில் தமிழக அரசும் அதன் முதலவர் அவர்களும் விடுத்துள்ள அறிக்கைகளிலிருந்து இந்த முக்கியத்துவம் நன்கு புலனாகின்றது. 

 வா.மு.சேதுராமன் உடலுக்கு முதலமைச்சர் மு.க.ஸ்டாலின் அஞ்சலி செலுத்தி, அவரது குடும்பத்தினருக்கு ஆறுதல் தெரிவித்தார். மேலும் தமிழகத்தின் காவல்துறையின் மரியாதையுடன் பெருங்கவிக்கோ வா. மு. சேதுராமன் அவர்களின் பூதவுடல் அடக்கம் செய்யப்பட வேண்டும் என்று முதலமைச்சர் உத்தரவு இட்டுள்ளமையும் இதற்குச் சான்றாகும்.

சென்னையில் 31/12 காளியம்மன் கோவில் தெரு சின்மயா நகர் இல்லத்தில் இறுதி அஞ்சலிக்கு வைக்கப்பட்டுள்ள அன்னாரது பூதவுடலுக்கு அஞ்சலி செலுத்தும் வகையில் எமது உலகத் தமிழ் பண்பாட்டு இயக்கத்தின் சார்பில் முக்கிய உறுப்பினர்கள் அங்கு சென்றுள்ளனர். எமது இயக்கத்தின் சார்பிலும் அன்னாரின் மறைவிற்கு அஞ்சலி செலுத்தும் வகையில் மலர்வளையம வைத்து மரியாதை செய்யவும் தீர்மானிக்கப்பெற்றுள்ளது.

அமரத்துவம் அடைந்த பெருங்கவிக்கோ வா. மு. சேதுராமன் அவர்கள் ஈழத்தமிழ் இலக்கியவாதிகளோடும் அறிஞர்களோடும் நீண்ட நாள் நட்புக் கொண்டவராக விளங்கினார். ஜேர்மனி, கனடா, சுவிற்சலாந்து, தென்னாபிரிக்கா, மலேசியா, பிஜி தீவுகள், இலங்கை, பிரான்ஸ், அமெரிக்கா போன்ற தமிழர்கள் புலம் பெயர்ந்து வாழும் நாடுகளில் நடைபெற்ற தமிழ்ப் பண்பாட்டு விழாக்களிலும் நூல் வெளியீட்டு விழாக்களிலும் கலந்து சிறப்பித்தவர். கனடா உதயன் பத்திரிகை நிறுவனம் நடத்தி வரும் சர்வதேச விருதுகள் விழாவில் அவருக்கு 1917ம் ஆண்டிற்குரிய ‘வாழ்நாள் சாதனையாளர் விருது- தமிழ்நாடு’  என்னும் உயர் விருது வழங்கப்பெற்றது. அதனைப் பெறுவதற்காக பெருங்கவிக்கோ வா. மு. சேதுராமன் ரொறன்ரொ நகருக்கு வந்திருந்தமை குறிப்பிடத்தக்கது.

ஆரம்பத்தில்  திருவல்லிக்கேணி முஸ்லீம் உயர்நிலைப் பள்ளியில் தமிழாசிரியராகப் பணியாற்றினார். தமிழ்ப்பணி என்ற பெயரில் சிறு பத்திரிக்கையை தொடங்கி தனது இறுதிகாலம் வரை நடத்திவைந்தார். நெஞ்சத்தோட்டம், தமிழ் முழக்கம், தாய் மண், காலக்கணி, சேது காப்பியம் உள்ளிட்ட 100-க்கும் மேற்பட்ட நூல்களையும், ஒரு லட்சத்திற்க்கும் மேற்பட்ட கவிதைகளையும் எழுதியுள்ளார்.

இவரது தமிழ்த் தொண்டினை பாராட்டி தமிழ்நாடு அரசு 1990-ம் ஆண்டு கலைமாமணி விருதினையும், 2001-ம் ஆண்டு திருவள்ளுவர் விருதினையும் வழங்கி கௌரவித்தது. முன்னாள் முதலமைச்சர் கலைஞர், பேராசிரியர் அன்பழகன், முதல்வர் மு.க.ஸ்டாலின் ஆகியோரோ நெருக்கமான  நட்பு பாராட்டியவர். கடந்த மே மாதம் கலைஞர் காவியம் என்ற கவிதை நூலை கடைசியாக வெளியிட்டிருந்தார். வ.மு.சேதுராமன் மறைவிற்கு இரங்கல் தெரிவித்துள்ள முதலமைச்சர் தமிழுக்காகவே தன்னை ஒப்படைத்தவர் என கலைஞரால் பாரட்டப்பட்டதை நினைவு கூர்ந்துள்ளார்.